ԻՔՄ ծրագրերի համակարգող Դանիել Իոաննիսյանը ֆեյսբուքյան իր էջում գրում է.
«Հայաստանը դարձավ աշխարհի առաջատարը՝ COVID-ի մահերով
Կորոնավիրուսից միավոր բնակչության վրա գրանցված մահերի քանակով երեկ Հայաստանը դարձավ աշխարհի առաջատարը: Այլ կերպ ասած՝ որևէ երկրում տոկոսային հարաբերակցությամբ երեկ այդքան շատ մարդ չի մահացել COVID-ից, որքան Հայաստանում:
Երեկ վիրուսից մահացել է 62 մարդ, իսկ նախորդ ամսում այդ վարակը 1000-ից ավել մարդու կյանք է տարել Հայաստանում:
Եվ այս ամենն արդյունք է վակցինացիայի պրոցեսի ու դրա հանրային կոմունիկացիայի շատ վատ կազմակերպմամբ:
Մարդիկ ժամեր են ծախսում, որ տեղեկատվություն գտնեն այն մասին, թե որտեղ վակցինացվեն: Շատ քչերն են կամավոր պատրաստ մի օր ծախսել, որպեսզի գտնեն վակցինացվելու տեղ և անցնեն հերթերի միջով:
Այս ամենն արդյունք է նաև վակցինաների մասին մարդավարի հանրությանը չպատմելու և անգործության, որն այս հարցում դրսևորում է Կառավարության հանրային կապերի ՊՈԱԿ-ը:
Այս ամենն արդյունք է Առողջապահության նախարարի ապիկարության և խայտառակ վատ հանրային խոսքի (Անահիտ Ավանեսյանն այնքան վատ է խոսում թեմայից, որ նույնիսկ պատվաստվելուն դրական նախատրամադրված մարդիկ են մտքափոխվում):
Եվ, իհարկե, չի կարելի մոռանալ, որ Առողջապահության նախարարին և ՊՈԱԿ-ի ղեկավարին նշանակում է վարչապետ Նիկոլ Փաշինյանը՝ դրանից բխող իր մեղքի բաժնով:
Հ. Գ. Վակցինաների դեմ պայքարողներ կան գրեթե բոլոր երկրներում, բայց այս գրողի տարած անտիռեկորդին հասավ հենց Հայաստանը»:
