Գիշերը չի կարելի ուտել բանջարեղեն՝ գազ առաջացնող (լոբազգիներ), քանի որ դրանք առաջացնում են փքվածություն և ցավ ստամոքսում, ինչպես նաև օսլայով հարուստ (կարտոֆիլ, եգիպտացորեն), քանի որ դրանք բարձրացնում են գլյուկոզայի մակարդակը և նպաստում քաշի ավելացմանը։ Այս մասին Газета.Ru-ին հայտնել է գաստրոէնտերոլոգ Դմիտրի Ֆեդուլովը։

Չի կարելի նաև խաղող, բանան կամ քաղցր տանձ ուտել, քանի որ դրանք պարունակում են մեծ քանակությամբ շաքար։ Ի թիվս այլ բաների, կաթը վատ է մարսվում օրգանիզմի կողմից՝ առաջացնելով փքվածություն, ցավ և ջղաձգություն: Ավելի լավ է այն փոխարինել ֆերմենտացված կաթնային ըմպելիքներով՝ կեֆիր կամ մածուն՝ մինչև 2,5% յուղայնությամբ:

«Օրվա առաջին կեսին այս մթերքները թույլատրվում են սահմանափակ քանակությամբ։ Երեկոյան, երբ ախորժակը բացվել է, կարող եք սպիտակուցային մթերքներ, բանջարեղեն, մրգեր ուտել սահմանափակ քանակությամբ, բացառությամբ վերը նշվածի»,- նշել է նա։

Բժիշկը խորհուրդ է տվել վերջին կերակուրն ընդունել քնելուց 2-3 ժամ առաջ, որպեսզի մարսողական համակարգը հանգստանա։

Գիշերը չի կարելի նաև ուտել պանրային մթերքներ, կծու, աղի, քաղցր ուտելիքներ։ Դրանք կալորիական են, դժվար են մարսվում, աղի և շաքարի դեպքում՝ հեղուկ են պահում, այս դեպքում հաջորդ օրը երեկոյան սնվելուց տհաճ հետևանքներ կլինեն՝ այտուց, հոգնածություն, ծանրություն։

«Եթե ախորժակ ունեք ուշ երեկոյան, կերեք բանջարեղեն (թարմ կամ շոգեխաշած), բանջարեղենային աղցան, թխված հավի կրծքամիս, հնդկահավ կամ մի քանի ձու։ Դա պայմանավորված է միջին վիճակագրական մարդու օրգանիզմում բջջանյութի պակասով»,- եզրափակել է բժիշկը։