Քաղաքացիներն ահազանգում են, որ «Երևան Սիթի» սուպերմարկետում վաճառվում է թուրքական չերի լոլիկ` «արտասահմանյան» նշումով:

Օգտատեր Գայանե Հարությունյանը Ֆեյսբուքում լուսանկարներ է հրապարակել, որում երևում է «Երևան Սիթի»-ում վաճառվող լոլիկի վրա փակցված թուրքական «Arilidir» ընկերության պիտակը:

Հիշեցնենք, որ 2020 թվականին Արցախում պատերազմի թեժ օրերին ՀՀ կառավարությունը ընդունել էր որոշում՝ 2021 թ. հունվարի 1-ից 6 ամիս ժամկետով արգելել թուրքական ծագում ունեցող ապրանքների ներմուծումը։ Որոշումը հիմնավորվել էր անվտանգային խնդիրներով՝ նկատի ունենալով Թուրքիայի բացահայտ աջակցությունն Ադրբեջանին պատերազմի ժամանակ։

Այս տարի Թուրքիայից ապրանքների ներկրման արգելքը երկարացվեց ևս 6 ամսով։