Այս իշխանությունը դարի նվեր է Էրդողանի ու Ալիեւի համար: Այս մասին այսօր՝ մարտի 25-ին, Կոմիտասի անվան պանթեոնում լրագրողների հետ զրույցում ասել է ՀՀԿ խոսնակ Էդուարդ Շարմազանովը:
«Այսօրվա Նիկոլ Փաշինյանի ասածով մենք ոչինչ չենք անում, գնում ենք խաղաղության, բայց թուրքը պատրա՞ստ է խաղաղության: Թուրքը խաղաղություն չի ուզում, ասում է՝ հանձնվիր: Ազգերը պետք է պատրաստ լինեն ինքնապաշտպանվել, ամեն ինչ ռուսի վրա գցելո՞վ ա: Հիմա էլ ասում են՝ ռուս խաղաղապահները թող գնան: Դա տրամվայ չի, ոչ էլ տրոլեյբուս, որ ռուսները գնան, զիջեն ամերիկացիքին կամ եվրոպացիքին: Ռուսները, որ գնան, ո՞վ է մտնելու, թուրքը: Այսօր լավ է, վատ է, այս գործողությունները ցույց են տալիս, որ ՀՀ իշխանությունը վաղուց ձեռքերը լվացել է Արցախից»,-ասել է նա:
Հիշեցնենք, որ մարտի 25-ի կեսօրից Ադրբեջանի ԶՈւ ստորաբաժանումները, շարունակելով հրադադարի ռեժիմի կոպտագույն խախտումները, բացի հրաձգային զինատեսակներից, կիրառում է նաև հարվածային անօդաչու թռչող սարքեր, այդ թվում նաև «Bayraktar TB 2» տիպի:
Հակառակորդի գործողությունների հետևանքով հայկական կողմից զոհվել է ՊԲ երկու պայմանագրային զինծառայող:
