Ազատության հրապարակում, որտեղ արդեն մի քանի օր է նստացույց եւ հացադուլ է իրականացվում, քիչ առաջ միջադեպ է տեղի ունեցել:
Ակտիվիստներից մեկը հարվածել է տարեց մի քաղաքացու: Ոստիկանները բերման են եթարկել հարվածող տղամարդուն:
Այս առիթով ԱԺ նախկին պատգամավոր Նաիրա Զոհրաբյանը լրագրողների հետ զրույցում նշել.
«Ոչ սթափ վիճակում մի հայրիկ մոտեցավ եւ հացադուլավոր տղաներին ոչ կոռեկտ լեքսիկոնով դիմեց, որից հետո այս միջադեպը ծագեց: Իհարկե, բռնություն գործադրել բացարձակապես անթույլատրելի է, բայց ես կարծում եմ՝ մեր ոստիկանները խնդիրը կկանխեն: Մեր մշտական ընդդիմադիր ցուցարարներից է, անունը՝ Արթուր է»:
Իր հերթին զոհված զինծառայողի հարազատ Արսեն Ղուկասյանն ասել է.
«Հարբած բիձա էր, եկել էր հայհոյանքներ էր տալիս, էս մարդն էլ մի հատ չափալախել ա: Լավ է արել, ես էլ եմ ուզել սիլլեմ, չեմ սիլլել: Ծնող է հայհոյում, ո՞ր մի տղան չէր սիլլի»:
Տեսանյութը՝ news.am-ի
