Օրեր հետո հայ և ֆրանսիացի  հանդիսատեսի դատին կներկայացվի մի երիտասարդ աղջկա ողբերգական սիրո պատմությունը` «Անուշը», որի հիմքում Արմեն Տիգրանյանի «Անուշ»  օպերան է: Այն լինելու է նոր, ինչպիսին պատկերացնում են  իսկ  բեմականացման հեղինակներ Սերժ Ավեդիկյանը և Նիկոլյա Մյունզենը է:  Այս մասին այսօրվա ասուլիսին տեղեկացրին հենց իրենք`  հեղինակները:  Սա հայ-ֆրանսիական համատեղ նախագիծ է, որը արված է երկու երկրների համատեղ ուժերով:

 «Ես զգացի, որ այս թեման պետք է ոչ թե հանել ազգային մոտեցումից և ունիվերսալ դարձնել, այլ Թումանյանի մոտեցումը պահպանել, որովեհտև այն արդեն իսկ ունիվերսալ է: Պետք էր միայն զտել, մաքրել: Հիմքը դրվեց հետևայլ ձևով` վերամշակել երաժշտությունը, համարձակվել դա անել: Իմ և Մյունզենի  համար ամենակարևորը հետևյալն է` ինչպես այսօրվա աչքերով, զգացմունքով կարողանալ մոտենալ այս գործին, այսինքն` այսօրվա հայացք «Անուշի» վրա»,- նշեց Ս. Ավեդիկյանը:

 Իսկ, ըստ Ն. Մյունզենի,  այս բեմահղացումը հնարավորություն է տալիս մեկ և միևնույն տարածքի մեջ համակրելու ու իրար կապելու մեներգիչներին ու երգչախմբի երգիչներին, երաժիշտենրին ու պարողներին, բայց նաև արտաքին աշխարհը և ներսինը, անցյալն ու ներկան:

 «Մեկ ձագարի մեջ է հավաքվել հայկական հարուստ գունաշխարհն ու ֆրանսիականը ու այդ ամենը մեկտեղվել և  զտվել է, որի արդյունքը կատարյալ է»,- հավելեց Ն. Մյունզենը, ով հանդիսանում է բեմի ձևավորման, հագուստների և խորեոգրաֆիայի հեղինակը:

 Հանդիսատեը բեմում Անուշի դրում կտեսնի  Սոֆյա Սայադյանին, Սարոյի դերում` Լիպարիտ Ավետիսյանին, Մոսիի` Գուրգեն Բավեյանին, Անուշի մոր` Քրիստինա Սահակյանին, Սարոյի մոր՝ Լիլիթ Սողոմոնյանին:

 Նշենք, որ «Անուշ» հայ-ֆրանսիական համատեղ նախագծի պրեմիերան Երևանում տեղի կունենա  ապրիլի 26, 27, մայիսի 3, 4, ժամը՝ 19:00

Գ. Սունդուկյանի անվ. Ազգային ակադեմիական թատրոնում,  իսկ Փարիզում` մայիսի 22, 23, 25, 26-ին, Նանտեռի Ամանդյե թատրոնում:

 Բեմականացման հեղինակները խոստանում են, որ «Անուշի» երևանյան պրեմիերան դառնալու է այս գարնան ամենանշանակալից մշակությաին իրադարձությունը: