1991 թվականի սեպտեմբերի 21-ի հանրաքվեում Հայաստանի ժողովուրդը ձայների ճնշող մեծամասնությամբ քվեարկեց ԽՍՀՄ-ի կազմից դուրս գալու և անկախ պետություն ստեղծելու օգտին։
Հայ ժողովուրդը ստիպված է եղել բազմիցս անցնել դեպի անկախություն տանող փշածածկ ճանապարհով` հաճախ գիտակցելով, որ կենաց ու մահու կռիվ է տալիս ոչ միայն անկախության, այլ իր ֆիզիկական գոյությունը պահպանելու համար: Հատկապես վերջին տարիներին մենք անկախության և սեփական հողի արժեքը լավագույնս զգացինք:
Եվ այս դժվար օրերին, երբ յուրաքանչյուրս ապրում ենք` ցավն ու վախը մեր հոգում, աննկատ չի մնում «Մուրզիլկա» մանկապարտեզի թիմի լրջագույն աշխատանքը` այն է երեխաների մոտ դեռ վաղ մանկական հասակից հայրենիքի հանդեպ սերն ու հարգանքը հիմնելը, հայրենասիրական դասեր անցկացնելը և ճիշտ հայի օրինակով կրթելը:
Հպարտությունն ու հուզմունքը խառնվում են իրար, երբ տեսնում ես` ինչպես է 3 տարեկան երեխան երգում Հայաստանի մասին, ինչպես է կատարում մեր հիմնը` ձեռքը սրտին դրած:
Մնում է միայն հավատալ, որ այս փոքրիկները ապահով և անվտանգ կապրեն և կարարեն իրենց սիրելի և միակ հայրենիքում:
