Այսօր՝ նոյեմբերի 9-ի առավոտյան «Եռաբլուր» զինվորական պանթեոն էին այցելել ԱԺ «Քաղաքացիական պայմանագիր» խմբակցության պատգամավորները:
Նրանք բոլորը դիկաներով էին՝ բացառությամբ ԱԺ պաշտպանության հարցերի հանձնաժողովի նախագահ Անդրանիկ Քոչարյանից:
Իսկ երբ ՔՊ պատգամավոր Վիգեն Խաչատրյանը նկատեց, որ նա դիմակով չէ, Անդրանիկ Քոչարյանը ժպիտը դեմքին ասաց.
«Լավ եմ անում, ցույց տա՞մ, թե քանի հատ ունեմ»:
«Պատիվ ունեմ» կուսակցության անդամ Արսեն Բաբայանը, անդրադառնալով սրան, գրել է․
«Այո, լավ է անում, լավ է անում, որ թքում է Նիկոլի երեսին...
Եթե Նիկոլն այս կերպարին անմիջապես չվռնդի իշխանության համակարգից, ապա կփաստվի, որ սրա իշխանությունն ավելի մեծ է քան Նիկոլինը և, որ ժողովուրդն էլ կարող է լավ անել ու չկրել դիմակ:
Շարունակեք տապալել ամեն ինչ, շարունակեք քայքայել ամեն բան...»։
