ՀՀ երկրորդ նախագահ Ռոբերտ Քոչարյանի ֆեյսբուքյան էջում հրապարակվել է ՀՀ երկրորդ նախագահի գրասենյակի համակարգող Բագրատ Միկոյանի արձագանքը՝ Խաչատուր Սուքիասյանին:

«Ծանոթացա հերթական բարբաջանքին։ 1992 թվականից տարբեր պետական պաշտոններ զբաղեցրած և փաստացի՝ այդ պաշտոնավարման ընթացքում, հետևանքով, թե դրանով պայմանավորված՝ միլիարդատերի վերածված Երևանի ամենահայտնի «յարմրկչին», ՀՀՇ-ական իշխանության և խնամի Վանոյի օրոք վերջինիս մտերմության բարիքները վայելած անձը ակնհայտ հոգեխանգարմունքի մեջ էր։ Զվարճալի էր լսել՝ ինչպես է Գռզոն բողոքում թալանից։

Գուցե շուտով տեսնենք նաև քաղակտիվիստ ոմն Խաչիկի՝ «Ոչ Թալանին» պաստառներով ակցիաները և հացադուլները «Սիրիուս» գործարանի, տոնավաճառի վերածված «Ռոսիա» կինոթատրոնի և դրա մերձակա պուրակի, պաշտոնյա եղած ժամանակ կոպեկներով սեփականացրած «Սիլ Պլազայի» շենքի և տասնյակ այլ օբյեկտների մոտ։

Վստահ եմ՝ մի օր անպայման քննության առարկա կդառնա, թե ինչպես պետական պաշտոնյա Խաչիկը դարձավ միլիարդատեր։

Իսկ նյարդային պոռթկում ապրող պերսոնաժին պարզապես հանգստացնենք դասականի խոսքով՝ «Спокойно, Маша, я Дубровский»:

ՀՀ երկրորդ նախագահի գրասենյակի համակարգող

Բագրատ Միկոյան

07.11.2022թ.»,- ասված է հաղորդագրությունում, որին Խաչատուր Սուքիասյանի մամուլի խոսնակ Աննա Մկրտչյանն այսպես է պատասխանել:

««Спокойно, Дубровский, я не Маша».

Ի պատասխան Քոչարյան Ռոբերտի գրասենյակի ղեկավարի բարբաջանքի

Մաշան քո տերն ա, որ ցնցոտիներով եկավ Հայաստան ու միլիարդատեր դարձավ։ Արցախը բանակցությունների սեղանից դուրս թողած, Ալիևի հետ Բաքու-Ջեհյան նավթամուղ կառուցած, ադրբեջանցիների հետ սիլի-բիլիներով Հայաստանը թուլացրած Ռոբիկը։

Ադրբեջանցիների սիրելի Ռոբերտ Քոչարյանին պատասխանում եմ վերջին անգամ' մի անցիր չափերդ»։

Դիտեք նաև՝