Լեո-Պարոնյան-Պռոշյան փողոցների հատվածում հատվածում Նիկոլ Փաշինյանի կառավարական ավտոշարասյան կողմից վթարի է ենթարկված կինը մահացել է:
Այս մասիին հայտնում է 168.am-ը:
Կայքի տեղեկություններով տուժող կինը 19 տարեկան է:
Երիտասարդ կինը հղի է եղել, փրկել չի հաջողվել նաև պտղին:
Ըստ տեղեկությունների՝ նրան հիվանդանոց են հասցրել ծայրահեղ ծանր, անգիտակից վիճակում:
ՀՀ ոստիկանության հայտարարությունը.
Ապրիլի 26-ին՝ ժամը 18․24-ին, ոստիկանության օպերատիվ կառավարման կենտրոնում հաղորդում է ստացվել, որ Լեո-Պարոնյան փողոցների խաչմերուկի մոտ ամենագնացը վրաերթի է ենթարկել մի կնոջ։
Նախնական տվյալներով՝ քաղաքացուհին վրաերթի է ենթարկվել Ճանապարհային ոստիկանության «Տոյոտա» մակնիշի ավտոմեքենայով, որը գտնվել է ծառայության մեջ։
Վրաերթի ենթարկվածը տեղափոխվել է «Նաիրի» բժշկական կենտրոն։
Հանգամանքները քննությամբ պարզվում են։
