ՊԵԿ նախագահ Ռուստամ Բադասյանը, ի պատասխան լրագրողների հարցերին, այսօր անդրադարձավ ԴԱՀԿ նախկին պետի՝ օրերս կատարած բացահայտմանը, ըստ որի ՀՀ է մտել 1 տոննայից ավելի կոկաին, սակայն փաստաթղթերի մեջ 730 կգ է նշվել։ Լրագրողի հարցին, թե ՊԵԿ-ը որքա՞ն թմրանյութ է ի վերջո առգրավել՝ Բադասյանը պատասխանեց․ «ՊԵԿ-ը ոչ մի թմրանյութ չի առգրավել, հարցը ԱԱԾ տիրույթում է, ՊԵԿ-ը ոչ մի մեկնաբանություն չի կարող տալ։ ՊԵԿ-ին ոչինչ չի հանձնվել, վստահ եմ, որ նաև ոչինչ չի վերացել, մնացածի մասով դիմեք իրավասու մարմիններին»,-ասաց Բադասյանը։