Օրեր առաջ իրավապահ համակարգի ղեկավարների պաշտոնանկությունը գնալով նոր դրսևորումներ է ունենում:
Նյուզպրեսս.am-ն է գրում ու մանրամասնում․ «Կայքի աղբյուրների համաձայն` անսպասելի ազատված պաշտոնյաներից Արգիշտի Քյարամյանը, Ռուստամ Բադասյանը և Սասուն Խաչատրյանը հասկացել են, որ Փաշինյանն իրենց պաշտոնից ազատել է Վահե Ղազարյանի պատճառով, զուտ նրա համար, որ համադասարանցին մխիթարվեր, որ միայնակ չի նետվում օգտագործվելուց հետո: Իսկ նրան ազատելու շատ պատճառներ կային. քաղաքական իշխանության բազմաթիվ ներկայացուցիչներ վաղուց տարբեր «կանալներով» Փաշինյանին են հասցրել Վահե Ղազարյանի «մեղքերի» մասին փաստարկված տեղեկատվություն:
Մասնավորապես, Ղազարյանը վերջին երեք տարում տարբեր անձանցից բավականին թանկարժեք նվերներ է ստացել, հատկապես անշարժ գույքի տեսքով, որոնցից մեկում ինքն է բնակվում ներկայումս, մյուսում` որդին` նորաստեղծ ընտանիքով:
Այդ նվերները, պարզվում է, այնքան էլ «անմեղ» չեն եղել ու որոշակի ազդեցություն են ունեցել իրավապահ համակարգում քննվող կոնկրետ քրեական գործերի ընթացքի վրա: Բացի դա, նախկին ոստիկան նախարարը` «գործի բնույթից ելնելով» եզրույթն ալիբի սարքած, սերտ կապեր է ունեցել մեծահարուստ նախկին պաշտոնյաների հետ, որոնք ներկայումս այս կամ այն քրեական գործերով են անցնում: Վահե Ղազարյանի այս «կապերը» համակարգի գործունեությանը 0 օգուտ են տվել, իսկ իր անձին՝ հսկայական»:
