Ադրբեջանի նախագահ Իլհամ Ալիևը հայտարարել է, որ Զանգեզուրի միջանցքի ստեղծումը լիովին համապատասխանում է Ադրբեջանի ազգային, պատմական և ապագա շահերին: Այս մասին հայտնում է «Սպուտնիկ Ադրբեջանը»:
«Մենք կկատարենք Զանգեզուրի միջանցքի իրականացման խնդիրը, անկախ նրանից` ուզում է դա Հայաստանը, թե ոչ: Եթե Հայաստանը ցանկանա, այն կարելի է լուծել հեշտությամբ, եթե ոչ` մենք դա կլուծենք ուժով: Ես ասում էի պատերազմից առաջ և պատերազմի ընթացքում, որ նրանք պետք է հեռանան մեր հողերից իրենց կամքով: Այդպես էլ եղավ: Նույնն էլ կլինի Զանգեզուրի միջանցքի հետ: Մեր միակ մրցակիցը ժամանակն է: Քանի որ երկաթուղու, մայրուղու կառուցումը ժամանակ է պահանջում: Ուստի բոլոր ուժերը մոբիլիզացված են այս նախագիծն իրականացնելու համար:», - ասել է նա AzTV- ին տված հարցազրույցում ՝ վստահեցնելով, որ «101 տարի անց ադրբեջանցի ժողովուրդը կվերադառնա գրավված Զանգեզուր»:
