Արդեն տեղեկացրել ենք, որ այսօր իրականացվել է Երևան-Կապան-Երևան փորձնական թռիչք՝ L410 տեսակի օդանավով․ Կապանից ոչ հեռու գտնվող օդանավակայանը դեռևս ԽՍՀՄ տարիներին օգտագործվել է ներքին ավիացիայում։
Այդ առիթով, Զանգեզուրի պղնձամոլիբդենային կոմբինատն իր ֆեյսբուքյան էջում լուսանկարներ է հրապարակել ու գրել․
«Այսօր, երկար տարիների ընդմիջումից հետո, Կապանի օդանավակայանում վայրէջք կատարեց փորձնական թռիչք իրականացնող L410 տեսակի օդանավը։
Լուսանկարում` վերևում «Պղնձի համար» թերթի հրապարակումն է. 1972 թվականի օգոստոսի 18-ին Կապանում վայրէջք կատարեց առաջին ուղևորափոխադրող «ՅԱԿ -40» ինքնաթիռը:
Ներքևում` 2023 թվականի ապրիլի 26-ին իրականացված փորձնական թռիչքն ու L410-ի բարեհաջող վայրէջքը»:
