«Այս պահի դրությամբ կորոնավիրուսով վարակված դեպքերից ունենք 269 ծանր դեպք, 51՝ ծայրահեղ ծանր, 15-ը միացված են թոքերի արհեստական շնչառության սարքերին»,- այսօր ճեպազրույցի ժամանակ հայտնեց ՀՀ առողջապահության նախարար Արսեն Թորոսյանը:

Նախարարն ասաց, որ դիմակների կարգապահ և արդյունավետ կրումը ուղիղ ազդում է այն թվի վրա, որով պարետատունը չափում է վարակի տարածման տեմպը. «Դա վերարտադրողականության թիվն է, որը որակյալ դիմակներ կրելու դեպքում կարող է իջնել 1-ից, ինչը թույլ կտա մարել վարակը: Այսինքն, եթե մենք հավաքական ջանքերով, մեր կողմից կանոնները ճիշտ սահմանելով և մեր քաղաքացիների կողմից այդ կանոնները ճիշտ սահմանելով առաջ գնանք, ապա մենք կունենանք բոլոր շանսերը, որ վարակը պահենք կառավարելի, ինչպես նաև՝ մարման վիճակում»,- ասաց Արսեն Թորոսյանը:

Կարդացեք նաև՝ Կորոնավիրուսի 2-րդ ալիքի հետ գործ ունենք. վարչական լծակներն ավելի կխստացվեն. Փաշինյան

Պարետատան այսօրվա նիստում քննարկեցինք և չբացառեցինք կրկին կարանտինային ռեժիմի սահմանումը. Ավինյան