Համացանցում հայտնվել է նոր տեսանյութ Ռուսաստանում 4 տարեկան աղջկան դաժանաբար գլխատած դայակ Գյուլչեխրա Բոբոկուլովայի հարցաքննությունից: Տեսանյութում կինը նշում է, որ Սիրիա մեկնելու ցանկություն ուներ, իսկ այն հարցին` արդյո՞ք պատրատսվում էր միանալ ԻՊ-ին, նա կրկնում է, որ ցանկանում էր մեկնել Սիրիա, պարզապես գումար չուներ: Երբ կնոջը հարցնում են, թե ինչու է երեխայի հետ այդպես վարվել, ասում է, որ նման քայլի է գնացել` վրեժխնդրությունից ելնելով:
«Վրեժ եմ լուծել, ով արյուն է թափում: Պուտինը օդանավերով ռմբակոծում է։ Ինչու՞ եք դուք մեզ՝ մահմեդականներիս ռմբակոծում, ոչ ոք ոչինչ չի ասում։ Նրանք նույնպես ուզում են ապրել... Նայեք, նայեք փոքր երեխա է»:
Դայակը նաև խոստովանել է, որ երեխային սպանելու որոշում վերջերս է կայացրել.
«Մի ամիս առաջ։ Տեսա՝ ռմբակոծում են»:
Հիշեցնենք, որ Ռուսաստանի մայրաքաղաք Մոսկվայում ձերբակալվել է մի կին, ով, երեխայի արյունոտ գլուխը ձեռքին, սպառնում էր ինքն իրեն պայթեցնել:
Առավոտյան քաղաքի թաղամասերից մեկում տեղի է ունեցել խոշոր հրդեհ: Ժամանած հրշեջները դեպքի վայրում գտել են 3-4 տարեկան երեխայի դիակ՝ առանց գլխի: Ավելի ուշ ոստիկանները պարզել են, որ 4-ամյա աղջկան սպանել է դայակը, այրել է տունն ու փախել:
