Ադրբեջանցի զինծառայողները փորձել են առաջ տալ դիրքերը դեպի Կապան։
Այս մասին գրում են Տելեգրամյան ալիքները՝ մասնավորապես Մեդիապորտը՝ նշելով, որ ռուս խաղաղապահները ԲՏՌ-ով փակել են ճանապարհը՝ կասեցնելով թշնամու առաջխաղացումը:
Հայաստանի ՊՆ-ն լուռ է:
Կապանի համայնքապետ Գևորգ Փարսյանն ավելւ ուշ լրատվամիջոցներին տեղեկացրել է, որ միջադեպը տեղի է ունեցել Կապան-Ճակատեն ճանապարհահատվածում:
«Ամեն ինչ սկսվել է «Բարի գալուստ Ադրբեջան» ցուցանակի վրա կրակելուց: Ադրբեջանցիներն էլ, օգտագործելով առիթը, սադրանքի են դիմել ու դիրքային փոփոխություն կատարել: Ռուս խաղաղապահներն էլ են կոնֆլիկտ ունեցել ադրբեջանցի զինվորականների հետ ու նրանց նոր դիրքի առաջ իրենք էլ են հաստատվել՝ բացառելու համար ադրբեջանցիների նոր դիրքային փոփոխությունները»,- ընդգծել է Փարսյանն ու հավելել է նաև, որ այսօր ԲՏՌ տեսակի մեքենայով ոչ թե ադրբեջանցիները, այլ ռուս խաղաղապահներն էին փակել ճանապարհը, որպեսզի կարողանան կանխել ադրբեջանցիների առաջխաղացումը։
Այս պահին ճանապարհը գործում է անխափան և ռուս խաղաղապահները տիրապետում են իրավիճակին:
Դիտեք նաև՝
