▲ Դեպի վեր

lang.iso lang.iso lang.iso

«Ամենախոս ինքնահռչակի պատճառով մենք պարտություն կրեցինք․ պարտավոր ենք վերականգնել բանակը»

Ես եկել եմ ողջերի մոտ, բոլոր սերունդների հայրենիք կերտած, հայրենիքի համար կյանքը տված ողջերի մոտ. անմահ են իրենք եւ արժանի չեն այն վերաբերմունքին, որին հիմա արժանանում են: Այս մասին, այսօր՝ հունվարի 28-ին, «Եռաբլուր» զինվորական պանթեոնում լրագրողների հետ զրույցում նշեց «Ժառանգություն» կուսակցության առաջնորդ Րաֆֆի Հովհաննիսյանը:

«Ոչ մի կեղծավոր եւ ուշացած ներողություն կամ շնորհակալությունիրենց հետ չի բերելու: Այդ ներողությունը, շնորհակալությունը եթե իրական են, դրան պետք է հետեւի մեծատառ այբով արարքը քավության, մեկընդմիշտ ինքնահեռացումը:

Այսօր մեր անհավասար պայմաններ տեսած բանակի օրն է եւ այդ անհավասարությունը տվել է ոչ թե մեր ոսոխը Անկարայում, Բաքվում, այլ այն հակառակորդը, որ բնավորվել է մեզ մոտ եւ հայելին է արտաքին թշնամու: Ամենախոս է ինքնահռչակը»,-ասաց նա:

Րաֆֆի Հովհաննիսյանի խոսքով, այսօր մենք պարտավոր ենք վերականգնել բանակը. «Պարտավոր ենք հայրենիքը մինչեւ վերջ չհանձնել, պարտավոր ենք վերջին զինվորը չտալ, որովհետեւ դա, ի վերջո, հասնելու է յուրաքանչյուր օջախի: Դրա համար կամ մենք ի մի  ենք գալիս՝ հանրային, քաղաքական, քաղաքացիական օջախները, ամեն մեկն իր լիդերը ունեցող, եւ ստեղծում ենք այդ հայկական, հայաստանակենտրոն, զինվորակերտ ուժը, որը պատասխան է տալիս զինվորասպան, ամենախոս, իմիտացիոն, նմանակող խոսողին, կամ այսպես կշարունակվի»,-ընդգծեց «Ժառանգության» առաջնորդը:

Հարցին, թե ի՞նչ պետք է անեն իշխանությունները Լաչինի միջանցքը բացելու համար, նա պատասխանես. «Ես չեմ ճանաչում որեւէ իշխանություն այսօր՝ ոչ դե յուրե, ոչ դե ֆակտո, եւ որեւէ խորհուրդ չունեմ տալու: Բայց այն, որ այսօր հայ ժողովուրդը, անկախ նրանից, թե ինչպես է քվեարկել 10 տարի առաջ, 4 տարի առաջ, թե 1,5 տարի առաջ, պետք է իմի գա, ընդունի իր  ճիշտն ու մեծ սխալը եւ գործի, դա ակնբախ է»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Քաղաքական ավելին