▲ Դեպի վեր

lang.iso lang.iso lang.iso

Առաջնորդը ՀՀ-ում, ըստ էության, ուրվագծվում է՝ Ռոբերտ Քոչարյանը. Գաբրելյանով

«Հասարակական կարծիքը Հայաստանում դանդաղ, բայց փոխվում է։ Ազգի մոտ կամաց-կամաց նահանջում է դեպրեսիան, սկսում է հաղթել առողջ միտքը: Այդ մասին իր տելեգրամյան ալիքում գրել է հայտնի մեդիամենեջեր Արամ Գաբրելյանովը:

«Իհարկե, մեծ դեր է խաղում նաև Նիկոլի «Իմ քայլ»-ը խմբակցության գրեթե բոլոր պատգամավորների զարմանալի բթամտությունը։ Եթե նայենք Հայաստանի քաղաքական դաշտին, ապա իրապես խելացի քաղաքական գործիչները շատ քիչ են։ Նույնիսկ կասեի՝ աղետալի քիչ: Իսկ ահա խորամանկ, լկտի, չսափրթված, երկերեսանի մարդիկ շատ են: Խելացի, համարձակ, հայրենասեր, համարձակ մտքով անձինք գրեթե չկան։ Ինձ համար առանձնանում են Քոչարյանը, Թաթոյանը, Մանուկյանը: Հիմա այն մասին, թե ինչպիսի քաղաքական դասավորություն եմ տեսնում: Առաջնորդն, ըստ էության, ուրվագծված է՝ դա Ռոբերտ Քոչարյանն է։ Նրանից բացի, ոչ ոք առաջիկա երկու տարիներին երկիրը փոսից դուրս բերելու ոչ մի շանս չունի։

Քոչարյանից մարդիկ հստակ գործողությունների պլան են սպասում։ Հստակ պատկերացում, թե ուր է գնալու երկիրը և ինչ ուժերով է դուրս գալու այս իրավիճակից։ Երկիր փրկել ցանկացող այդ մարդկանց անվանենք ՊԱՇՏՊԱՆՆԵՐ: Նրանք Հայրենիքի, հայ ընտանիքի, եկեղեցու, արժեքների պաշտպաններն են:

Երկրորդ հակամարտող խումբը՝ Փաշինյանի շուրջ հավաքված մարդիկ են։ Նրանք անձինք են, որոնք հանդես են գալիս հայկական արժեքների դեմ, ԼԳԲՏ-հանրության, կապիտուլյացիայի և թուրքերի հետ բարեկամանալու կողմնակիցներ են: Նրանց անվանենք ՊԱՐՏՎԱԾՆԵՐ: Ահա այդ պաշտպանների ու պարտվածների միջև է լուրջ կոնֆլիկտը: Հույս ունեմ՝ այն կմնա քաղաքական դաշտում»,- գրել է նա:

Կայքում տեղ գտած մտքերը հեղինակի սեփականությունն են և կարող են չհամընկնել խմբագրության տեսակետի հետ: Asekose.am / հեռ: 095519696
Քաղաքականություն ավելին