|
ՀՀ անվտանգության խորհրդի քարտուղար Արմեն Գրիգորյանը, հերքեց ՌԴ նախագահի մամուլի խոսնակ Դմիտրի Պեսկովի այն հայտարարությունը, որ հայկական կողմը խնդրել է ռուսական կողմին, որ հայ-իրանական և հայ-թուրքական սահմանին ՌԴ սահմանապահները շարունակեն իրականացնել ծառայություն: *** «Որտեղի՞ց երաշխիք, որ Ադրբեջանը կտա մեզ այն, ինչը պատկանում է մեզ»,- «Լուրեր»-ի եթերում ԱԽ քարտուղարին հարց ուղղեց Պետրոս Ղազարյանը: «Մենք գիտենք` որտեղ է Հայաստանը և որտեղ է Ադրբեջանը: Ինչ պատկանում է Հայաստանին, վերադարձվելու է Հայաստանին, դա միանշանակ է»,- պատասխանեց Գրիգորյանը: «Միանշանա՞կ է»,- կրկնեց Պետրոս Ղազարյանը: «Այո»,- վերահաստատեց ԱԽ քարտուղարը: Պետրոս Ղազարյանը մատնանշեց հանրության կասկածները, որ Ադրբեջանը մեզ հող հետ չի վերադարձնի: «Ի՞նչ երաշխիքներ կան»,- հարցրեց նա: Արմեն Գրիգորյանը հարցին հստակ պատասխան տալ չկարողացավ: «Միջազգային հանրության ուժեղ աջակցությունը, դելիմիտացիայի տված հնարավորությունները և այս փորձը կօգնեն առաջ շարժվել»,- ասաց նա: *** |
|
«Լուրեր»-ի տաղավարում ՀՀ ԱԽ Արմեն Գրիգորյանը նշեց «շատ կարևոր համաձայնություն, որը ձեռք են բերել ՀՀ-ն և Ադրբեջանը»: «Դա Ալմա Աթայի հռչակագրի հիման վրա` որպես սկբունք, սահմամազատման գործընթաց սկսելն է, ինչպես նաև պայմանավորվածություն է ձեռք բերվել, որ օգտագործվելու են Խորհրդային Միության վերջին տարիներին գոյություն ունեցող իրավական քարտեզները և դա է պատճառը նաև, որ 1976 թվականի քարտեզն է սահմանազատման հիմք վերցվել և ըստ դրա` մենք սահմանազատում ենք անցկացրել: Այդ սահմանազատման գործընթացի ընթացքում գծվել է սահմանը, սահմանից այս կողմ ՀՀ տարածքն է, սահմանից այն կողմ` Ադրբեջանի տարածքը»,- ասաց նա: |
***
|
Հանրային հեռուստաընկերության եթերում հյուրընկալած Արմեն Գրիգորյանը հայտարարել է, թե սահմանազատման գործընթացը հաջող է անցել, ՀՀ տարածքից ոչ մի միլիմետր հող չի հանձնվել: Անդրադառնալով ընդդիմության մեղադրանքներին, որ ՀՀ ենթակայության տակ գտնվող տարածքներ են հանձնվում, նա պատասխանեց. «Ենթակայության տակ լինելն ու քոնը լինելը տարբեր բաներ են: Լեգիտիմության հարց գոյություն ունի»: |
