Այսօր՝ ժամը 16.00-ին, հանրահավաքից առաջ «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը հերթական անգամ ՀՔԾ է հրավիրվել։
Այս մասին ֆեյսբուքյան իր էջում տեղեկացրել է կուսակցության անդամ Բաբկեն Հարությունյանը:
«Հանրահավաքի ժամերին «չգիտես ինչու» Վանեցյանին հրավիրում են տարբեր ուժային կառույցներ, իսկ իրականում նպատակը մեկն է` խանգարել մասնակցել հանրահավաքին և ելույթ ունենալ:
Մեկ է` Նիկոլը դավաճան է և հեռանալու է»,– գրել է նա:
Հիշեցնենք, որ վերջին օրերին Արթուր Վանեցյանը մի քանի անգամ հրավիրվել է իրավապահ մարմիններ, խուզարկություն է իրականցվել նրա ծնողների բնակարանում։
