Վրաստանի հետ սահմանի փակման հարց դեռ չի քննարկվում: Այս մասին այսօր լրագրողներին ասաց ԱԽ քարտուղար Արմեն Գրիգորյանը՝ անդրադառնալով Վրաստանում կորոնավիրուսի գրանցման դեպքին:
«Վրաստանում իրավիճակի մասին կապի մեջ ենք համապատասխան գերատեսչությունների հետ: Բոլոր հարցերը քննարկվում են, բոլոր տարբերակները սեղանին կան: Լուծումներն էլ ըստ իրավիճակի կլինեն»,- ասաց Արմեն Գրիգորյանը:
Նա նշեց, որ փոխվարչապետ Տիգրան Ավինյանի գլխավորությամբ աշխատանքային խումբ է ստեղծվել, որը կապի մեջ է Վրաստանի առողջապահության համակարգի պատասխանատու կառույցների հետ: Վտանգի դեպքում որոշում կկայացնեն: