«Դեկտեմբերի վեցի հանրաքվեն լրացրեց կեղծված ընտրությունների ու հանրաքվեների ցանկը։ Հանրաքվեն անցավ զանգվածային խախտումներով։ Գործի դրվեց կեղծիքների ողջ զինանոցը, հանրաքվեն ցույց տվեց, որ այս իշխանությունը եւ արդար ընտրությունները անհամատեղելի են»,- քիչ առաջ Ազատության հրապարակում տեղի ունեցող հանրահավաքին ասաց Հայաստանի ժողովրդական կուսակցության նախագահ Ստեփան Դեմիրճյանը. «Կեղծվող ընտրություններով մեր երկիրը ապագա չունի, դրա համար մեր երկիրը թանկ գին է վճարում»։
Նա առաջարկեց միասնաբար պայքարել՝ հանուն երկրի օրինական իշխանության ձեւավորման, հանուն արդարության եւ արժանապատվության։