▲ Դեպի վեր

lang.iso lang.iso lang.iso

«Այս պահին զորքերը տեղում են, եթե, իհարկե, գիշերը չտեղափոխեն». Բագրատ Սրբազան

Սուրբ Աննա եկեղեցու բակում անդրադառնալով Ադրբեջանի ու Հայաստանի միջև սահմանազատման ու սահմանագծման հանձնաժողովների` այսօրվա հանդիպման լուրերին՝ Բագրատ Սրբազանն ասաց.

«Տեղեկություններ ենք ստացել, որ Տավուշում հանդիպումներ են տեղի ունեցել։ Այդուհանդերձ, գիտեք, որ այսօր հատվածական, միակողմանի ապօրինի սահմանազատման ու սահմանագծման այդ ամբողջ հատվածում հանդիպում է տեղի ունեցել և էքսպերիմենտը չգիտենք` ուր է հասել։

Տեղեկություններ չունեմ, բայց պետք է զիջվեն այդ տարածքներն ու դիրքերը, այսպես կոչված` «սահմանագիծ» լինի։ Տեղյակ չենք, թե ինչ է եղել արդյունքը։

Այս պահին զորքերը տեղում են, եթե, իհարկե, գիշերը չտեղափոխեն։ Սա նշանակում է, որ ժողովուրդ, դուք գործոն եք էս երկրում։ Այս անհամաձայնությունը նշանակում է, որ դուք եք իրական գործոնը։ Այս շարունակվող հանցագործությունը միայն ու միայն մեր պայքարի միջոցով է կասեցվելու։ Այս շարժումը խախտել է այս մարդու ու իր գործընկերոջ ծրագիրը»:

***

«Վաղը դարձյալ հանդիպումներ կլինեն, առաջիկա մի քանի օրվա ընթացքում քաղաքական ողջ ներկապնակը` բոլորը բոլորի հետ կհանդիպեն: Ես գիտեմ, որ դուք որոշակիություն եք սպասում: Էս մարդու որդիների ճամբարն էլ իրար է խառնվել, որ մենք տեղեկություն չենք տալիս, ամեն կերպ փորձում են այդ տեղեկատվությունն ստանալ, բայց չեն ստանում»,- Սուրբ Աննա եկեղեցու բակում նշեց Բագրատ Սրբազանը:

***

«Ոչ մեկի հետ կռիվ մի սկսեք ժողովուրդ ջան, ոչ կռվեք ոչ վիճեք: Այլ ուղղակի ասեք, թող պատասխանեն հրապարակի էկրանին ցուցադրված` ստերի մասին հոլովակին: Դրան դեռ ոչ ոք պատասխան չի տվել: Մեր կյանքը տակնուվրա եք արել, այ մարդու որդիներ, էլ նարկոբարոն եք ասել, էլ բիզնեսմեն, էլ խաբեբա, բա էս մասին մի բան ասեք»,- երեկոյան քննարկման ժամանակ ասաց Բագրատ Սրբազանը:

Նրա հիշատակած տեսանյութը` ստորև:

«101 դասախոսներ, գիտնականներ, մշակույթի գործիչներ այսօր պահանջել են մարդու (Նիկոլ Փաշինյանի-խմբ.) հրաժարականը»,- երեկոյան քննարկման ժամանակ հայտարարեց Բագրատ Սրբազանը:

***

Մեզ համար շատ էական պետք է լինի՝ ով է հրամանը տալիս զորքերի հետքաշման՝ մեր դիրքերից, Սուրբ Աննա եկեղեցու բակում ասաց Բագրատ Սրբազանը։

«Մհեր Գրիգորյանի գլխավորությամբ ստեղծված հանձնաժողովն իրավունք չունի, իրավական ոչ մի հիմնավորում չունի։ Եվ որևէ արձանագրություն ստորագրելու նույնիսկ իրավունք չունի՝ վավերացնելու իմաստով։ Ոչ էլ կառավարության ղեկավարն իրավունք ունի։ Այդ որոշումը պետք է լինի գրավոր՝ կառավարության որոշում։ Ոչ էլ մեկ անձի։ Սա շատ կարևոր է, որ հասկանանք՝ այս կառավարությունն ամբողջությամբ այդպե՞ս է, թե՞ ոչ և երկրորդը՝ շարունակվու՞մ է այդ ապօրինի գործընթացը, թե՞ ոչ։

Եվ այս մարդիկ ոչ մի անգամ չասացին, որ սա հակասահմանադրական է, հակաօրինական է։ Տարածքների փոփոխության հետ կապված ցանկացած գործընթաց պետք է տեղի ունենա հանրաքվեով։ Այս բոլոր տարածքները ՀՀ սահմանների մեջ են ներգրավված, սա բացարձակ հանցագործություն է, որն ամեն գնով փորձում են թաքցնել։ Իրավունք չունենք տեղի տալու»,- ասաց Սրբազանը։

***

Սուրբ Աննա եկեղեցու բակում անդրադառնալով խաղաղության պայմանագրին՝ Բագրատ Սրբազանն ասաց. «Խաղաղության պայմանագրի արձանագրումն է փաստելու մնացած գործողությունները հարաբերության իմաստով։ Առանց խաղաղության պայմանագրի ինչպե՞ս կարելի հարաբերություն ստեղծել։ Այդ խաղաղության պայմանագիրն էլ պիտի լինի մեր շահերով։ Բովանդակությունը պիտի իմանանք, կարող է խաղաղության` ձեր բերած պայմանագրով Երևանը փաթաթում ու հանձնում եք Ադրբեջանին։ Լիքը կետեր պետք է նշված լինեն` մինչև Արցախի վերադարձ։ Արցախի ռազմաքաղաքական ղեկավարությունը Բաքվում է, 4 տարի է՝ մենք ռազմագերիներ ունենք այնտեղ։ Մեր այն ղեկավարներն են բանտերում, որոնց հետ այս մարդիկ պարել են, ցատկել են, հաց են կերել, լիտրերով օղի են խմել։ Օրինակ՝ որպես նախապայման խաղաղության ձեր պայմանագրում այս մասին կա՞, չկա»։

 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին