Բացարձակ վստահ եմ, որ Ադրբեջանի Գաբալա եւ Քյուրդամիր շրջաններում տեղի է ունեցել հերթական տեռորիստական ակտը` Արցախի դեմ կռվելու համար բերված վարձկան ահաբեկիչների կողմից: Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Դա կրկին անգամ փորձ է արվում ներկայացնել որպես հրթիռակոծում հայկական կողմից` Ադրբեջանի համար բարենպաստ քարոզչական ֆոն ապահովելու նպատակով»,-հավելել է նա:
Ավելի վաղ ՊՆ խոսնակ Շուշան Ստեփանյանն էր անդրադարձել այդ թեմային՝ նշելով. «Ադրբեջանական կողմի հայտարարությունը, թե Հայաստանը Գաբալայի եւ Քյուրդամիրի ուղղությամբ բալիստիկ հրթիռներ է արձակել, կատարյալ անհեթեթություն եւ ցինիկ սուտ է:
Հայաստանի Հանրապետության տարածքից որեւէ հրթիռ չի արձակվել Ադրբեջանի ուղղությամբ»:
