«Բանակցությունները կողմնակի միջամտությունից ու ինտրիգներից պաշտպանելու այլ ճանապարհ չկա: Հնդկաստանից հրթիռներ գնող պետությանը պետք է համոզենք, որ իրենց կարող է փրկել ոչ թե ռազմավարական զենքը, այլ Ադրբեջանի ու Թուրքիայի երաշխիքը»,- այս մասին այսօր հայտարարել է Ադրբեջանի մարդու իրավունքների խորհրդարանական հանձնաժողովի նախագահ Զահիդ Օրուջը, գրում է АПА-ն:

Նրա խոսքով՝ «դրսից քաղաքական հարձակումներին լավագույն պատասխանը կլինի Ադրբեջանի նախագահ Իլհամ Ալիևի, Թուրքիայի նախագահ Ռեջեփ Թայիփ Էրդողանի և Հայաստանի վարչապետ Նիկոլ Փաշինյանի եռակողմ հանդիպումը Երևանում»։