Համացանցում հայտնվել է տեսանյութ, որտեղ այս տարվա Մանկական Եվրատեսիլի հայաստանյան մասնակիցների՝ Compass Band-ի երգը ներկայացված է ռետրո ոճով` լիվերպուլյան աշխարհահռչակ քառյակի` «Բիթլզի» կադրերով և այդպես էլ կոչվում է` Compass Band Retro. Sweetie baby:
Գուցե տեսանյութ է առիթ դարձել ասեկոսեների, ըստ որոնց աշխատանքներ են տարվում, որ հայկական խմբի անդամները յուրահատուկ նախագիծ իրականացնեն բիթլ Պոլ Մակարտնիի հետ: Իսկ շատերը այս տեսանյութից հետո կարծիք են հայտնել, որ լիվերպուլյան քառյակի ոգով ձևավորվում է երևանյան քառյակը և հայ մանուկները մերօրյա բիթլականներն… կամ` Բիթլզը վերադառնում է` հայ փոքրիկ երգիչների շնորհիվ: