«Մշակույթի նախարարությունում պետք է արվեստը ճանաչողներն աշխատեն: Նրանք մարդիկ են, ովքեր ճիշտ խորհուրդներ կարող են տալ, այլապես՝ ավելի շատ ճարպիկ մարդիկ են օգտվում, քան նվիրյալները»,-լրարողների հետ հանդիպման ժամանակ նման կարծիք հայտնեց արձակագիր, դրամատուրգ Գուրգեն Խանջյանը:
Դերասանուհի Կարինե Ջանջուղազյանի կարծիքով էլ՝ մշակութային գործունեությունը պետք է վերահսկվի.
«Մեր վարպետը՝ Սոս Սարգսյանը, տարիներ շարունակ ասում էր, որ այն, ինչ կատարվում է մեր մշակույթում՝ բարբարոսություն է: Սակայն ապարդյուն էր: Հիմա կրկին կա ընդվզում, մեծ ակնկալիքներ ունենք, անաչառ վերահսկողություն ենք ցանկանում բոլոր ոլորտներում, որովհետև համատարած ռաբիսությունը պատել է մեր ժողովրդին ու այն միայն երգարվեստում չէ»,-նկատեց դերասանուհին:
Նրա այս տեսակետի հետ չհամաձայնեց դրամատուրգը, ում համար անհասկանալի էր, թե ի՞նչ ասել է վերահսկել.
«Հա, բայց այստեղ ավելի շատ թատրոնն է կարևոր.տեսնում ես՝ հրաշալի դերասան է, բայց ռաբիս դեր է կատարում: Ի՞նչ է նշանակում վերահսկել թատրոնը: Հո պետությունը չի՞ ասում արի՛, ռաբիս բեմադրի: Ուղղակի մարդկանց ճաշակը պետք է դպրոցից սկսած բարձրացվի, այլապես բոլորից պահանջում ենք, բայց թույլ երաժշտություն, թույլ գիրք ենք գրում ու պնդաճակատի նման առաջ տանում»:
Դրամատուրգ Կարինե Խոդիկյանն էլ իր հերթին Մշակույթի նախարարությանը ճիշտ կողմնորոշվելու կոչ արեց.
«Իսկական արվեստագետը երբեք չի գնա նախարարության դուռը, դրա համար պետք է նախարարությունը գնա նրա դուռը»,-նշեց նա:
Անի Կարապետյան