▲ Դեպի վեր

lang.iso lang.iso lang.iso

Բոլորն անտեղյակ են, ՕՍԿԱՆՅԱՆԸ` ՀԱՏԿԱՊԵՍ

ՀՀ գլխավոր դատախազի մամուլի խոսնակ Ս. Տռուզյանը երեկ «Հայկական ժամանակ»-ի թղթակցին հայտնել է, որ ինքը ՀՀ նախկին ԱԳ նախարար Վ. Օսկանյանին անձեռնմխելիությունից զրկելու դատախազի հնարավոր միջնորդության մասին տեղեկության չի տիրապետում:

Երեկ մամուլում գրվել էր, որ հնարավոր է հենց առաջիկա քառօրյայում խորհրդարանը քննարկի ՀՀ գլխավոր դատախազ Աղվան Հովսեփյանի միջնորդությունը` Վարդան Օսկանյանին անձեռնմխելիությունից զրկելու վերաբերյալ, Ազգային անվտանգության ծառայության կողմից հարուցված փողերի լվացման գործում որպես մեղադրյալ ներգրավելու համար: Վարդան Օսկանյանի գործը ԱԱԾ-ում, ինչպես թերթը տեղեկացրել էր, տևական ժամանակ սառեցված վիճակում էր: Ինքը` Օսկանյանը, «ՀԺ»-ի թղթակցի հետ զրույցում ասել էր. «Եթե որևէ նորություն ունենաք այդ գործից, ինձ էլ ասեք»: 
ԱԺ հանրապետական պատգամավորները ևս երեկ պնդում էին, թե որևէ տեղեկություն չունեն, որ առաջիկա քառօրյայում կքննարկվի Վարդան Օսկանյանին անձեռնմխելիությունից զրկելու վերաբերյալ ՀՀ գլխավոր դատախազի միջնորդությունը: ԲՀԿ-ականներն էլ էին նույնը պնդում:

Կայքում տեղ գտած մտքերը հեղինակի սեփականությունն են և կարող են չհամընկնել խմբագրության տեսակետի հետ: Asekose.am / հեռ: 095519696
Քաղաքականություն ավելին