«Քաղաքացու իրավունքների պաշտպան» ՀԿ նախագահ Կարեն Հեքիմյանի գրառումը.
«Դիմում եմ Լեզվի կոմիտեի առաջնորդին:
Здравствуйте, товарищ Гюрджинян! Обращаюсь к Вам из далёкой солнечной Армении. Остальное по-армянски. Ведь можно? Вы же еще понимаете по-армянски?
Գիտեմ, որ Հայաստանից շատ հեռու եք: Սակայն, Հայաստանում ունեք, չէ՞, բարեկամներ և ծանոթներ: Եթե չունեք, ապա լրիվ անվճար կարող եմ նրանց փոխարինել: Մի խոսքով, բարեկամներից և ծանոթներից մեկին գումար տվեք ու խնդրեք ցանկացած խանութից նկարում պատկերված՝ Գրանդ Քենդիի արտադրած, քաղցրավենիքը գնել: Եվ, եթե այդ քաղցրավենիքի տուփի վրա հայերեն գեթ մեկ տառ հայտնաբերեք, ապա ես Ձեզ այսուհետ monsieur-ով կամ citoyen-ով կդիմեմ: Հը, ի՞նչ կասեք, товарищ Гюрджинян: Չէք կարող, չէ՞, Գրանդ Քենդիի նկատմամբ վարչական վարույթ հարուցել: Не по силам?
Լավ, առաջ անցնենք: Գիտեք, չէ՞, товарищ Гюрджинян, որ Հայաստանում, հայկական դպրոցում, օրինակ՝ 2-րդ դասարանում երաժշտության դասին աշակերտներին ռուսական երգեր են սովորեցնում: Օրինակ՝ «во поле береза стояла» երգը: Փաստորեն, չգիտեիք: Դե, որտեղի՞ց իմանաք: Հայաստանից շատ հեռու եք:
Լավ, գոնե ՀՀ կրթության, գիտության, մշակույթի և սպորտի նախարար Անդրեասյան Ժաննային գիտե՞ք: Ձեր սրտի նախարարն է, չէ՞: Խնդրում եմ, վերջինիս փոխանցեք, որ այդ երգը, օտարալեզու լինելուց բացի, իր մեջ բնության հանդեպ բռնության կոչեր է պարունակում: Օրինակ՝ ի՞նչ է նշանակում
«Я пойду, пойду погуляю,
Белую берёзку заломаю»:
Խնդրում եմ, товарищ Гюрджинян, Ձեր սրտի նախարարին փոխանցեք, որ ծառի նկատմամբ բռնության կոչերը Հայաստանում քրեորեն հետապնդելի են: Գիտեք, չէ՞, ՀՀ քաղաքացիներից մեկը տոնածառն այրելու կոչի համար քրեական հետապնդման է ենթարկվում: Եվ, ո՞վ գիտի, միգուցե վերջինս էլ է ժամանակին դպրոցում այդ երգը սովորել: Հետո էլ մեծացել է և «берёзку заломаю»-ի փոխարեն՝ տոնածառն այրելու կոչ է արել: Մեծ հաշվով, տարբերությունը մեծ չէ: Բա, товарищ Гюрджинян, տեսնում եք, չէ՞, ինչից ինչ է ստացվում:
Հա, մի բան էլ ասեմ, товарищ Гюрджинян: Ձեզ հայտնի՝ ԵՊՀ-ի պաշտոնական ձևաթղթի վրա աշխարհահռչակ իրավաբանի գրությունը հիշում եք, չէ՞: Դե, որ երեք էջում 117 հատ կետադրական և տառասխալ կար: Հորդորում եմ Ձեզ, մինչև թոշակի գնալը կամ իշխանափոխությունն անպայման զբաղվել այդ գրությամբ:
До свиданья, товарищ Гюрджинян. Встретимся, обязательно встретимся».
Դիտեք նաև՝
