Կորոնավիրուսից բուժված կինն իր շնորհակալությունն է հայտնում բժիշկների խմբին՝ ռազմական բժիշկ , փոխգնդապետ, վարակաբան Վլադիմիր Էլիզբարյանի գլխավորությամբ։
Աննա Գաբրիելյանի գրառումը ներկայացնում ենք ստորև․
Մեկ ամիս առաջ այս օրը ես,մայրս և իմ չքնաղ Մարին ունեցանք ջերմություն։
Հետազոտություններից պարզ դարձավ,որ չար վիրուսը մեր կողքով էլ անտարբեր չանցավ։
Ես ու աղջիկս ունեցանք երկկողմանի թոքաբորբ՝կովիդով արտահայտված,բարեբախտաբար մայրս,ում համար ամենաշատն էինք անհանգստանում,թոքաբորբ չուներ։
Բավականին շփոթված,լարված և վախեցած սկսեցի զանգ տալ բոլոր ծանոթ բժիշկներիս,որ հասկանամ,թե ինչ պետք է անենք։
Օր-օրի մեր վիճակը ծանրանում էր և այս դաժան հիվանդությունը արտահայտվում էր իր բոլոր վատ ախտանշաններով։
Գրեթե ամեն օր շտապ օգնություն էր գալիս մեր տուն։
Հիվանդությունը կա,այն լի է վատ անակնկալներով և հետագա բարդություններով։
Այսօր ուզում եմ շնորհակալություն հայտնել այն մարդկանց,որոնք պարզապես բժիշկներ չեն,նրանք իմ հարազատներն են,իմ ընկերներն են,մարդիք,ովքեր մեկ ամիս անշահախնդիր լսեցին մեզ գիշեր-ցերեկ,բուժեցին մեզ,չնայած իրենց զբաղված գրաֆիկի,պատասխանեցին մեր բոլոր զանգերին և հաղորդակցություններին և այդ ամենը մեծ սիրով և հոգատարությամբ:
Սիրելիներս՝ Ալլա Ավանեսյան, Կարինե Շահբազյան, Վլադիմիր Էլիզբարյան Նոնա Փոստոյան, Արման Մարգարյան, դուք իսկական կյանքեր փրկող եք և Ձեր նման նվիրյալները այսօր շատ պահանջված են հայ ժողովրդի կողմից։
Այսօր ես Ձեր նման սրտացավ բժիշկների եմ ուզում տեսնել մեր առողջապահության համակարգում։
ԱՍՏՎԱԾ Ձեզ պահապան