«Ձեզի ճիշտ չեք պահում». Պաշտպանության նախարարի թիկնապահը կոպտեց լրագրողներին, իսկ Վաղարշակ Հարությունյանը հեռացավ՝ անպատասխան թողնելով գերիների, Արցախի բանակի կազմալուծման և «իմքայլականների» կողմից բանակին հասցվող վիրավորանքների մասին լրագրողների հարցերը:
«Մեդիա պաշտպան»-ը հաղորդագրություն է տարածել.
«ՀՀ Պաշտպանության նախարար Վաղարշակ Հարությունյանը ԱԺ միջանցքում անպատասխան է թողել լրագրողների հարցերը։ Նույն ընթացքում նախարարի թիկնապահը փորձում է գնահատական հնչեցնել մասնագիտական աշխատանք կատարող լրագրողների հասցեին՝ ասելով, որ լրագրողները խանգարում են և իրենց ճիշտ չեն պահում։ «Մեդիա Պաշտպան» նախաձեռնությունը անընդունելի է համարում թիկնապահի նման մոտեցումը։ Հանրությանը հուզող հարցերը, պետք է իրենց պատասխանը ստանան։ Քաղաքացին ինֆորմացիա ստանալու իրավունք ունի և նմանօրինակ պահվածքը խախտում է քաղաքացիների ինֆորմացիա ստանալու իրավունքը։ «Մեդիա Պաշտպան» նախաձեռնությունը կոչ է անում Վաղարշակ Հարությունյանին, որպեսզի վերջինս միջոցներ ձեռնարկի, որ հետագայում նմանօրինակ դեպքերը բացառվեն և թիկնապահները չփորձեն գնահատական հնչեցնել լրատվականների և լրագրողների մասնագիտական աշխատանքի վերաբերյալ»։
