Երեւանի ընդհանուր իրավասության դատարանի Շենգավիթի նստավայրում ավարտվեց Ռոբերտ Քոչարյանի խափանման միջոցը փոխելու հարցի քննարկումը:
Նախագահող դատավոր Աննա Դանիբեկյանը հեռացավ խորհրդակցական սենյակ՝ որոշում կայացնելու:
Այն կհրապարակվի մայիսի 13-ին՝ ժամը 17:50-ին:
Հիշեցնենք, որ այսօրվա դատական նիստին ներկայացվեցին Քոչարյանին անձնական երաշխավորությամբ, ինչպես նաեւ գրավի դիմաց ազատ արձակելու միջնորդություններ: Դրանց դեմ առարկեցին տուժող եւ մեղադրող կողմերը:
Ռոբերտ Քոչարյանի համար երաշխավորեցին Հայաստանի Հանրապետության նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը, Արցախի Հանրապետության նախկին վարչապետ Անուշավան Դանիելյանը:
