ՀՀ գլխավոր դատախազ Արթուր Դավթյանն այսօր լրագրողների հետ զրույցում հայտարարեց, որ ՀՀ գլխավոր դատախազությունն ինքնաբացարկի գրավոր միջնորդություն է ներկայացրել Ռոբերտ Քոչարյանի և մյուսների գործով դատավոր Դավիթ Գրիգորյանին։
«Դատավարական ընթացակարգով դրանք առաջին իսկ նիստի ժամանակ պետք է քննության առարկա դառնան. մենք պնդելու ենք մեր դիրքորոշումը»,- ասաց նա։
Հիշեցնենք, որ Դավիթ Գրիգորյանն այն դատավորն է, որը բավարարել էր Արցախի գործող և նախկին նախագահների անձնական երաշխավորությունն ու Ռոբերտ Քոչարյանին ազատ էր արձակել կալանքից:
