Դուբայում բացվել է մոլորակի ամենաթանկ հյուրանոցը՝ Atlantis The Royal-ը, որի կառուցման արժեքը գնահատվում է 1,5 միլիարդ դոլար։

Բացման արարողությանը ելույթ է ունեցել Բեյոնսեն, ով, ըստ Arabian Business-ի, ելույթի համար կստանա 24 միլիոն դոլար։

Արարողությանը հնարավոր է եղել ներկա լինել միայն անձնական հրավերով։ Բացման արարողությանը Բեյոնսեն հանդես է եկել 2018 թվականից ի վեր իր առաջին համերգով։

Բացի այդ, բացմանը ներկա են եղել բրիտանացի երգիչ Լիամ Փեյնը, Բեյոնսեի ամուսինը՝ Ջեյ Զին, ավստրալացի դերասանուհի Ռեբել Ուիլսոնը, ամերիկացի մոդել Օլիվիա Կալպոն, դերասանուհի Էշլի Պարկը։