|
Դիվանագետ, ԱԺԲ անդամ Արա Պապյանի ֆեյսբուքյան գրառումը․ «ՀՀ էկոնոմիկայի նախարարը բառախաղ է անում՝ արտաքին պարտք և պետական պարտք հասկացություններով աճպարարություն է անում։
Ըստ 2024 թվականի սեպտեմբերի 30-ի տվյալների՝ Հայաստանի Հանրապետության պետական պարտքը կազմել է մոտ 12.5 միլիարդ ԱՄՆ դոլար։ Այդ թվում՝ արտաքին պարտքը կազմել է մոտ 6.3 միլիարդ դոլար, իսկ ներքին պարտքը՝ մոտ 6.2 միլիարդ դոլար։
Նախորդ տարվա նույն ժամանակահատվածի համեմատ պետական պարտքն աճել է մոտ 1.18 միլիարդ դոլարով կամ 10.4%-ով։
Նշենք, որ 2024 թվականի հուլիսի վերջի դրությամբ՝ պետական պարտքը կազմել է մոտ 12.34 միլիարդ դոլար, ինչը ցույց է տալիս պարտքի շարունակական աճ։
Այսպիսով, պետական պարտքի աճը հիմնականում պայմանավորված է ներքին պարտքի ավելացմամբ, մինչդեռ արտաքին պարտքը նվազել է»։
***
|
|
Ռազմական փորձագետ Վահագն Սարոյանի ֆեյսբուքյան գրառումը. «Կառավարությունում մարդ կա՞, որ հասկանում է, թե ինչ են խոսում հատկապես ֆինանսատնտեսական բլոկի պատասխանատուները:
Ուրեմն, Ֆինանսների նախարարը 2024թ. հոկտեմբերի 28-ին հայտարարում է, որ Հայաստանի արտաքին պետական պարտքը կազմում է 12,5 միլիարդ դոլար, ավելին` բյուջեի 5,5 տոկոս պակասուրդի պատճառով կավելանա 2024թ-ի համեմատ, այսինքն՝ 2025թ-ին 12,5 միլիարդից էլ կաճի ՀՀ արտաքին պարտքը: Ուշադրություն` 12,5 միլիարդից մեծ թիվ ա լինելու:
Իսկ այսօր էկոնոմիկայի նախարարն էլ իր հերթին հայտարարում է, որ պետական պարտքը 5 միլիարդ 962 միլիոն դոլար է և հավելում է, որ «ովքեր ասում են 12 միլիարդ, կա՛մ տեղեկացված չեն, կա՛մ մանիպուլյացիայի են ենթարկում, որպեսզի քաղաքական դիվիդենտներ շահեն»:
Այլ կերպ ասած` էկոնոմիկայի նախարարը «քուանշում» է ֆինանսների նախարարին: Հիմա այս երկու պատասխանատուներից ո՞վ է խաբում հանրությանը, ո՞վ է լկտի սուտ տարածում հարկ վճարող «հերոսներին», ո՞վ է հիմարացնում ՀՀ հպարտ քաղաքացիներին:
Սա արդեն ծիծաղելի չէ, սա սարսափելի է:
Միգուցե պետական պարտքը ավելի շատ է, քան ներկայացվում է, օրինակ` 12,5 միլիարդին ավելանալու է ևս 5 միլիարդ 962 միլիոն, այսպես մոլորեցնում են, որպեսզի շեղեն իրական կատաստրոֆայից:
Եվս մեկ հավելում, եթե էկոնոմիկայի կամ ֆինանսների նախարարն այդքան համարձակություն ունեն, թող մի հատ էլ լայվ նկարեն ու ազնվորեն ասեն, թե ինչքա՞ն է պետական պարտքի սպասարկումը ավելացել: Օրինակ` Հրանտ Բագրատյանն ասում է, որ եթե պետական պարտքը 2 անգամ է ավելացել, ապա սպասարկումը 11 անգամ:
Ֆինանսների նախարարի արձագանքին սպասելով»։
|
