Երևանի ավագանու «Իմ քայլը» խմբակցության անդամ Գրիգոր Երիցյանը ֆեյսբուքյան իր էջում գրել է.
«Եվս մեկ կեղծ քարոզչական արշավ չեզոքացվեց, թե բա «Խորենացուն, Շնորհալուն, Նարեկացուն, Սայաթ-Նովային դպրոցական ծրագրից «ապազգային իշխանությունները» հանում են, ժողովո՛ւրդ»:
Նախարարությունը ևս մեկ անգամ հայտարարեց, որ «Ոսկեդարի և միջնադարյան հայ գրականությունը ուսումնական ծրագրում ներառված է և սկսած 5-րդ դասարանից՝ աշակերտները կուսումնասիրեն պատմիչներ Մովսես Խորենացու, Ագաթանգեղոսի, Փավստոս Բուզանդի, Եղիշեի, Ղազար Փարպեցու, ինչպես նաև առակագիրների գործերը:
Ծրագրում ներառված են նաև միջնադարյան հեղինակներ Գրիգոր Նարեկացին, Ներսես Շնորհալին, Նահապետ Քուչակը, Սայաթ-Նովան»:
Էլ ո՞նց ասեն, որ մտնի որոշ անտաղանդ քարոզչական շրջանակների ուղեղները: Չե՞ք հոգնել երկրի ներսում բոլորի դեմ պատերազմելուց: Ազատ ժամանակ ունեք, ավելի լավ չի՞ այդքան սիրելի Նարեկացի ու Խորենացի ընթերցեք»:
