▲ Դեպի վեր

lang.iso lang.iso lang.iso

Երբևէ տեսե՞լ եք, թե նախկին պաշտոնյաները ինչ ձևով էին շրջում. Մարիամ Փաշինյան

Վարչապետ Նիկոլ Փաշինյանի դուստրը՝ Մարիամ Փաշինյանը, իր ֆեյսբուքյան էջում գրել է․

«Ինչո՞ւ է ամոթ հերթ կանգնելը: Ինչո՞ւ են մարդիկ իրենց լավ զգում, երբ հերթը առաջ են գցում և անցնում, երբ հասարակական կարգ են խախտում, և պատասխանատվության չեն ենթարկվում:

Ո՞րն է այս երևույթի գեղեցկությունը: Ինչո՞ւ ենք մենք կարծում, որ անպարկեշտ հասարակական վարքագիծը ուժի նշան է, և ինչու ենք մենք գովասանքի արժանանում այդ վարքագծի համար:

Եկեք ուշադիր լինենք, թե ինչ ենք խրախուսում մեր մտերիմներին:
Երբ կարգը պահանջում է, որ մենք մնանք տանը, հետաձգենք մեր ծնունդը, ուրախությունը կամ ծրագրերը, մենք մեզ ուժեղ ենք զգում, երբ խախտում ենք այդ կարգը: Օրենքի առաջ հավասարության պահանջը, յուրաքանչյուրս պետք է սկսենք մեզանից:
Երբևէ տեսե՞լ եք, կամ նախկինում տեսնում էիք, թե նախկին պաշտոնյաները ինչ ձևով էին շրջում, կամ հիմա ինչ ձևով են շրջում: Սա ոչինչ է քան պարզապես բարդույթ:
Մեր վարքագիծը ուղիղ ձևով կապված է հանրության տեսանելի զանգվածի վարքագծի հետ: Երբ մեր վրա ծիծաղում են կարգ ու կանոն պահելու համար, մենք էլ բարդույթավորվում ենք, կարծում ենք որ կարգ ու կանոն պահելու համար կարժանանանք ծաղրի և հետևաբար չենք պահում հասարակական կարգը: Մոտ 30 տարի է, մեզ ցույց են տվել որ ուժ է զենքը, փողը, հերթ չկանգնելը, հերթը առաջ գցելը, հարուստ ծանոթներ ու շրջապատ ունենալը: Մեզ սա ցույց են տվել հեռուստացույցով, վարքագծով և տարբեր մեթոդներով:
Իսկ հիմա ժամանակն է, որ սա փոխենք միասին»:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին