Հունիսի 27-ին Հայ Կաթողիկե եկեղեցու նախաձեռնությամբ Հունաստանի մայրաքաղաք Աթենքում տեղակայված հայկական Սբ Գրիգոր Լուսավորիչ եկեղեցու բակում միջոցառում է անցկացվել՝ նվիրված Երևանի հիմնադրման 2800-ամյակին:

Դրա ընթացքում ցուցադրվել է նաև նկարիչ, քանդակագործ Նազարեթ Խուպեարյանի անդրանիկ ցուցահանդեսը, տեղեկացնում է VaticanNews-ը: Այն նվիրված էր հայոց պատմության մեծանուն գործիչներին:

Երևանի հիմնադրման 2800-ամյակի առթիվ աշխարհի հայաշատ քաղաքներում կազմակերպվում են բազմաբնույթ միջոցառումներ: