«Երևանի կենտրոնը, եթե ուշադիր եք, ապրում է «գրողի ծոցում», բոլոր փողոցները գրողների անուններով են: Ճիշտ  քայլ է սա: Սակայն  ինձ դուր չի գալիս Ֆրունզեի փողոցը, վիրավորվում եմ Աթաբեկովի հետ կապված ամեն ինից: Շատ մարդիկ  կան, որոնց անունները պետք է հանել հիշողությունից: Բայց, քանի որ սա մեր պատմությունն է, Երևանից դուրս կարելի է մի հատված ընտրել, ցանկապատել, տեղադրել մերժված արձաններն ու կոչել «Մերժված արձանների թանգարան»»: Բայց այս ամենը պետք է համակարգված լինի: Պետք է   փոխել նաև  գյուղերի անունները՝ օրինակ Ղազանչին, Մուսայելյանը և այլն»,-լրագրողների հետ հանդիպման ժամանակ ասաց գրող, հրապարակախոս Մերուժան Տեր-Գուլանյանը: