Լրագրող Ոսկան Սարգսյանը գրում է. «Հայաստանի անկախանալուց երկրի հետո բոլոր 4 ղեկավարները խոսել են Հայաստանի համաչափ զարգացման կարևորության մասին, սակայն ամեն ինչ կենտրոնացրել են Երևանում, Հայաստանը դարձնելով քաղաք-պետություն։ Երևանում բնակելի շենքերի շինարարությունը եռում է, իսկ Տավուշի մարզում, բացի Դիլիջանից, ուր մեծահարուստ երևանցիների փողերն են պտտվում, մարզում բնակելի տների շինարարություն գրեթե չկա։ Երևանում բնակարանների տերերն ամեն ամիս բարձրացնում են տների վաճառքի և վարձակալության գները, քանզի Ռուսաստանից, Ուկրաինայից, Արցախից եկած տների գնորդները և վարձակալները խիստ ավելացրել են պահանջարկը։ Համացանցում հայտարարություն է տրված, որ Նոյեմբերյան քաղաքում վաճառվում է նորակառույց միհարկանի առաձնատուն՝ 3 ննջասենյակով, մեծ հյուրասենյակով, խոհանոցով, սանհանգույցով․ նկուղային սենյակով ավտոտնակով և տնամերձ 2000քմ հողատարածքով, վաճառքի գինը՝ 25 հազար դոլար։
25 հազար դոլարը այդ տան ինքնարժեքից ցածր է, 25 հազար դոլարով այդպիսի տուն չես կարող կառուցել։ Սահմանագոտում տների գները շրիշակի մակարդակի չափ ցածր են, Երևանում դրանք առաստաղ են թռել»: