Հուլիսի 25-ին ՝ ժամը 10:00-14:00-ը, Երևանի քաղաքապետի փոխանցիկ գավաթի 2018 թվականի մրցաշարի շրջանակում Մանկական զբոսայգում կկայանա «Երևանյան անիվ» հեծանվավազքի բակային առաջնությունը:
Մարզական միջոցառմանն իրենց ուժերը կչափեն Երևանի տարբեր վարչական շրջանների պատանի հեծանվորդները:
Բակային մարզական փառատոնում ընդհանուր հաշվարկով հաղթած վարչական շրջանի թիմը կպարգևատրվի Երևանի քաղաքապետի փոխանցիկ գավաթով:
Փառատոնն անցկացվում է Երևանի քաղաքապետարանի «Երևանյան ամառ 2018» եռամսյա միջոցառումների ծրագրի շրջանակում:
Նյութի աղբյուրը՝ yerevan2800.am
