Երգչուհի Աիդա Սարգսյանը թեև վերջերս քիչ է երևում հեռուստաէկրանից, սակայն շարունակում է սիրված ու սպասված մնալ :
Երգչուհին կարծում է, որ հետաքրքիր ծրագրեր չկան, չգիտես ինչու բոլորը միօրինակ են դարձել,այդ իսկ պատճառով նրան չենք տեսնում նաև մերօրյա երաժշտական նախագծերում:
Շարունակելով հավատարիմ մնալ իր ոճին, ու սկզբունքներին` Աիդան զբաղվում է երգ-երաժշտությամբ` մենահամերգներ է ունենում Հայաստանից դուրս, որտեղ որպես կանոն նրան միշտ ջերմ են ընդունում :
Վերջին համերգը Աիդա Սարգսյանը ունեցել է մոտ մեկ ամիս առաջ Պյատիգորսկում:
Համերգը բարեգործական է եղել: Հասույթի մի մասը փոխանցվել է Ստեփանակերտի «Սուրբ Մարիամ Աստվածածին» եկեղեցուն: Պյատիգորսկի համերգին մասնակցել են նաև Ասատուր Ասլանյանը, Գարիկ Ավետիսյանն ու Ալբինա Ավեդիսովան: Վերջին երկուսը ապրում և զբաղվում են երգով հենց Պյատիգորսկում: Համերգի հրավերը ստացել է Հայ համայնքի կողմից:
Աիդան Պատմում է, որ համերգը տևել է 3 ժամ և ավելի: Համերգին հնչել են ժողովրդական, ազգագրական, էստրադային և ժամանակակից երգեր և որ ամենակարևորն է՝ կենդանի հնչողությամբ:
Այն հարցին, թե որն է ԱՄՆ-ի և Պյատիգորսկի հանդիսատեսի տարբերությունը, երգչուհին պատասխանեց.
«Եթե համեմատեմ ԱՄՆ-ի հադիսատեսի հետ, Պյատիգորսկի հայ համայնքը ակտիվ չէր, նույնիսկ հայերեն դժվարանում էին խոսել »
Հայկական hամալսարանի ուսանողների հետ հանդիպմանը Աիդա Սարգսյանը կոչ է արել սիրել իրենց լեզուն, օգտագործել այն իրենց առօրյայում և պարզ ճակատով բարձրացնել հայկական դրոշը: Երգչուհու հետ զրույցի վերջում, հայ ուսանողները Աիդային խնդրել են կատարել «Լորկե» և «Ով սիրուն ,սիրուն» երգը:
Այս պահին երգչուհի Աիդա Սարգսյանը գտնվում է ԱՄՆ-ում, և պատրաստվում է մենահմերգների:
Աիդա Սարգսյանը կվերադառնա մայիսի վերջին, իսկ մինչ այդ, հանդես կգա համերգային ծրագրերով:
Հեղինակ` Կարինե Գևորգյան
72157642779800853
