Վարչապետին հարց ուներ նաև «ԵԼՔ» խմբակցության պատգամավոր Լենա Նազարյանը.
«Երեկ քաղաքացիները ԱԺ բակից հեռանալիս նկատել են, որ հանրապետական պատգամավոր Միհրան Պողոսյանը հայհոյանքներ է հնչեցրել, դուք տեղյա՞կ եք այդ միջադեպից, կարելի է այդպիսի վարք դրսևորել»:
Այս հարցից հետո արձագանքեց նաև ԱԺ փոխնախագահ Էդուարդ Շարմազանովը.
«Իսկ մարդկանց կարելի՞ է պատգամավորներին հայհոյել»:
Վարչապետի պատասխանը չուշացավ.
«Ես հրահանգել էի օլիգարխներին և թիկնապահներին պառկեցնել ասֆալտներին, եթե հրամանը կատարված լիներ այսպիսի բան չէր լինի, ամեն ինչ կկարգավորվի, քննություն կլինի և եթե պարզվի, որ դա այդպես է ուրեմն նա չի հասկանում ինչ է կատարվում Հայաստանում»:
Նիկոլ Փաշինյանի խոսքով երեկ երբ ինքը մտավ ազգային ժողով ամեն ինչ արեց, որ լարվածությունը թուլանա.
«Կատակների էի անում, ժպտում էի, մեր ժպիտները որպես թուլություն ընկալել պետք չէ»: