Երևանի ավագանու ընդդիմադիր անդամ Պեդրո Զարոկյանը ֆեյսբուքյան իր էջում գրել է․ «JLo-ի (Ջենիֆեր Լոպես) համերգից անցել է մեկ տարի։ Մի քանի ամիս առաջ ԿԳՄՍ նախարարն ասաց, որ իրենք դեռ չունեն համերգից ստացված եկամտի հաշվառումը։ ԿԳՄՍ նախարարությունն ունի մոտ 17 հաշվապահի հաստիքացուցակ։ Նրանք անկարո՞ղ են աշխատել, թե՞ այնտեղ փողերի լվացման սխեմա է գործում։
Հաշվի առնելով վաճառված տոմսերի քանակը և դրանց արժեքը՝ կարող ենք ենթադրել, որ այդ համերգի տոմսերի վաճառքից ստացվել է մոտ 5 միլիոն դոլար, որտե՞ղ է այդ գումարը։ Միևնույն ժամանակ, համերգի կազմակերպման ծառայությունների համար վճարվել է ևս 6 միլիոն դոլար։ Այսինքն՝ ընդհանուր առմամբ հարկատուների վրա այդ համերգը արժեցել է 11 միլիոն դոլար։ Ուրեմն ո՞ւր է գնացել տոմսերի վաճառքից ստացված 5 միլիոն դոլարը, և ո՞վ է ստացել այդ գումարը»։