Այսօր ՀՀ ոստիկանապետ Վալերիյ Օսիպյանը լրագրողների հետ զրույցում անդրադարձավ հանցավորության դեմ պայքարին և այն հայտարարություններին, թե համաներումից հետո ավելացել է հանցագործությունների թիվը։ Նա նշեց, թե լինում են դեպքեր, երբ կրկնահանցագործություններ են լինում, սակայն հանցագործությունների ավելացումը չշտապեց կապել համաներման հետ։
Նա նաև վստահեցրեց, որ քարոզարշավի և ընտրությունների ժամանակ ոստիկանությունն անթերի է գործելու և ինքը կաշկանդված չէ ոչ մեկից.
«Ես վստահեցնում եմ ձեզ, ով ինձ գիտի՝ գիտի, ես՝ Օսիպյանս, կաշկանդված չեմ որևէ մեկից, ով ուզում է լինի։ Կա խախտում՝ պատասխանատվություն կենթարկվի։ Ես անուն չեմ տալիս, ես որևէ մեկից Երկիր մոլորակի վրա կաշկանդված չեմ», - ասաց Վալերի Օսիպյանը։
Կարդացեք նաև՝ Նախկինում հանցագործությունները թաքցնում էին. Վալերի Օսիպյան
Գիտենք, թե ով կարող է ընտրակաշառք բաժանել, նրանց պահում ենք տեսադաշտում. Օսիպյան