Երևանի քաղաքապետի լիազոր ներկայացուցիչը որոշել է մասամբ սահմանափակել «Ժառանգության»՝ ապրիլի 9-ի հանրային հավաքի երթուղին: Իր անհամաձայնությունը հայտնելով վերոնշյալ որոշմանը, «Ժառանգություն» կուսակցության վարչության փոխնախագահ Արմեն Մարտիրոսյանը նշել է. «Իհարկե, նրանք իրավական ինչ-որ հիմնավորում ունեն, բայց ես կարծում եմ, որ առավել մեծ հիմնավորում կա՝ քաղաքացին է իշխանություն ձևավորում, և քաղաքացին իրավունք ունի խաղաղ բողոքի»:
Ցանկացած երկրում, նախագահի երդումնակալության արարողությունն իրենից միջոցառումների շարք է ներայացնում, որին որպես կանոն մասնակցում են արտասահմանից հրավիրված բարձրաստիճան հյուրեր, երկրում հավատարմագրված դիվանագետներ, միջազգային կառույցների ներկայացուցիչներ: Միայն այդ տեսանկյունից, քաղաքապետարանի որոշումը հասկանալի է, քանզի նման պատասխանատու միջոցառման կազմակերպման ու հյուրերի ընդունելությունը դեպքում, գլխավոր փողոցներից մեկի փակում իսկապես որ կարող է խնդիրներ առաջացնել:
Այս տեսանկյունից, համեմատականներ անցկացնել վերոնշյալ միջոցառումների անցկացման կարևորության ու ՀՀ քաղաքացու իրավունքերի միջև՝ փաստարկված չէ: Կամ՝ ի՞նչ է նշանակում, թե քաղաքապետարանը «ինչ-որ իրավական հիմնավորումներ» ներկայացրել է, բայց ավելի կարևոր է քաղաքացու իրավունքը: Եթե գտնում եք, որ քաղաքապետարանի որոշումը հակասում է մարդու իրավունքներին կամ խախտում է քաղաքացու ազատությունը, ապա պետք է դիմել դատարան:
Իսկ եթե կա սահմանված օրենք, ապա կարևոր չէ, թե այդ պահին այս կամ այն զանգվածի շահն ինչ է թելադրում, պետք է առաջնորդվել օրենքով: Եթե օրենքի հետ կապված խնդիրներ կան, «Ժառանգությունն» այսօր ԱԺ-ում խմբակցություն ունի և կարող է հանդես գալ նոր օրենսդրական նախաձեռնությամբ: Ամեն դեպքում օրենքը պետք է հարգել:
Քաղաքական փորձագետ Տիգրան Աբրահամյանի գրառումը
Ֆեյսբուք
