▲ Դեպի վեր

lang.iso lang.iso lang.iso

Եթե ինչ-որ մեկին թվում է, որ ամեն ինչ ավարտված է, ապա սխալվում եք, ամեն ինչ դեռ ընթացքի մեջ է. Միքայել Մինասյան

Երեկ ԱԱԾ տնօրենի նախկին պաշտոնակատար Միքայել Համբարձումյանը հարցազրույցի ժամանակ ասել է, որ Ազգային անվտանգության ծառայությունն իմացել է, որ պատերազմ է լինելու ու այդ մասին ժամանակին տեղյակ է պահել Նիկոլ Փաշինյանին, ինչպես նաև Անվտանգության խորհրդին: Այս մասին տելեգրամյան իր էջում գրում է Միքայել Մինասյանը:

«Նա նաև ասաց, որ պատերազմի սկսվելուց 3-4 օր հետո հայտնի է դարձել, որ ռազմաճակատում իրավիճակն աղետալի անբարենպաստ է, ինչի մասին վարչապետին զեկուցել են ինքը, Օնիկ Գասպարյանն ու Դավիթ Տոնոյանը: Կոնսենսուս է եղել, որ պատերազմը պետք է կանգնեցնել»,-հավելում է Մինասյանը:

Համբարձումյանի խոսքերով, Նիկոլ Փաշինյանը մանրամասն ինֆորմացված է եղել, ռազմաճակատում տիրող իրավիճակի մասին և իրենք չենք հասկացել, թե ինչու նա քայլեր չի ձեռնարկում պատերազմը կանգնեցնելու համար. «Կապիտուլյացիայից հետո մենք իմացել ենք, որ հոկտեմբերի 20-ին, ռուսական կողմը խաղաղության մասին առաջարկություն է արել, որից Նիկոլ Փաշինյանը հրաժարվել է»,-Համբարձումյանի խոսքերն է մեջբերում Մինասյանը:

«Անկախ Համբարձումյանի անձի նկատմամբ իմ վերաբերմունքից, հարցազրույցը շատ խորն է, կարևոր ու կիրթ: Նա արդեն երրորդ բարձրաստիճան սպան է Մովսես Հակոբյանից ու Օնիկ Գասպարյանից հետո, ով լույս է սփռում պատերազմի ժամանակ Նիկոլ Փաշինյանի գործողությունների վրա»,-գրում է Մինասյանը:

Կայքում տեղ գտած մտքերը հեղինակի սեփականությունն են և կարող են չհամընկնել խմբագրության տեսակետի հետ: Asekose.am / հեռ: 095519696
Քաղաքականություն ավելին