Հատված վարչապետ Նիկոլ Փաշինյանի խոսքից՝ Մոսկվայի հայ գործարար համայնքի ներկայացուցիչների հետ հանդիպման ժամանակ:
Հայաստանի վարչապետ Նիկոլ Փաշինյանը հայտարարել է, որ հայ պաշտոնյաներին կարող են պարտադրել «Հիպոկրատի երդման» իրենց տարբերակն ասել երկրում կոռուպցիայի հակազդեցության համար: Այս մասին վարչապետն ասել հայկական սփյուռքի ներկայացուցիչների հետ մի քանի ժամ տեւած զրույցի ընթացքում:
Այս հայտարարությամբ Փաշինյանը հանդես է եկել ի պատասխան ռուսական բանկիր եւ Ռուսական բանկերի ասոցիացիայի նախագահ Գարեգին Թոսունյանի առաջարկին:Բանկիրն առաջարկել է Հայաստանի պաշտոնյաների համար «Հիպոկրատի երդման» նման կոռուպցիայի հակազդեցության համար երդում ստեղծել:
«Մարդու համար ավելի բարձր երդում չկա, քան ազնիվ պատասխանը՝ այո, թե ոչ: Այս կոռուպցիոն հակազդեցությունը ես համարում եմ պաշտոնյաների անմիջական պարտավորությունը: Ես երաշխավորում եմ, որ որեւէ մեկին թույլ չեմ տա կոռուպցիա: Եթե շատ եք ուզում երդում, ապա մենք այն կկազմակերպենք», - ասել է Փաշինյանն` ի պատասխան Թոսունյանի առաջարկին:
Սեպտեմբերի 8-ին Մոսկվայում կայացավ Ռուսաստանի նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի հանդիպումը: Հանդիպման ընթացքում Հայաստանի Կառավարության ղեկավարը հայտարարեց Հայաստանի եւ Ռուսաստանի հարաբերություններում չմիջամտելու սկզբունքի մասին:
ՌԴ Նախագահի հետ հանդիպումից հետո Նիկոլ Փաշինյանը Մոսկվայում հանդիպում կազմակերպեց հայկական բիզնեսի ներկայացուցիչների հետ: