Կրեմլում քննարկվել են դաշնակից ռուս-հայկական հարաբերությունների զարգացման հիմնահարցերը, ինչպես նաեւ համագործակցությունը եվրասիական տարածքում, մասնավորապես `Եվրասիական տնտեսական հանձնաժողովի եւ ՀԱՊԿ-ում:

* * *

Հանդիպման սկզբում ՌԴ նախագահը շեշտեց երկկողմ հարաբերությունների հատուկ բնույթը: «Այսօր Ռուսաստանի եւ Հայաստանի միջեւ հարաբերությունները առաջընթաց կերպով զարգանում են բոլոր ուղղություններով: Դա վերաբերում է քաղաքական հարաբերություններին, ռազմական ոլորտներին, անվտանգության հիմնախնդիրներին, տնտեսական համագործակցությունը»,- ասաց նա:

Պուտինն ընդգծեց համագործակցությունը էներգետիկայի ոլորտում, ինչպես նաև հիշատակեց  միջուկային եւ ջերմային էներգետիկայի մասին:

Ռուսաստանի նախագահն ասաց, որ զարգանում են երկու երկրների հարաբերությունները նաև մետալուրգիայի եւ մեխանիկական արդյունաբերության ոլորտներում:

«Մի խոսքով, մենք զրուցելու շատ թեմաներ ունենք»,-հավելեց Պուտինը՝ շեշտելով , որ անցյալ տարի առեւտրաշրջանառության աճը կազմել է գրեթե 30 տոկոս, հույս հայտնելով, որ այս տարվա վերջին այդ ցուցանիշը կավելանա:

ՀՀ վարչապետ Նիկոլ Փաշինյանը ՌԴ նախագահ Վ. Պուտինի հետ հանդիպմանը յուրահատուկ է որակել ոչ միայն երկրների, այլև իրենց միջև առկա հարաբերությունները։

«Իհարկե, ես շատ ուրախ եմ մեր հերթական հանդիպման համար, սա վերջին չորս ամսվա ընացքում երրորդն է։ Կարծում եմ, որ նման պարբերականությունն ընդգծում է մեր  երկրների միջև եղած հատուկ հարաբերությունները։ Թույլ տվեք ասել, նաև մեր անձնական հարաբերությունների հատուկ բնույթը»,-ՌԴ նախագահի պաշտոնական էջի փոխանցմամբ, ասել է Փաշինյանը։

Նա ընդգծել է, որ հայ-ռուսական հարաբերություններում չլուծվող հարցեր չկան, պետք է օգտագործել հարաբերությունների զարգացման ողջ ներուժը։

«Սակայն դա չի նշանակում, որ մեր հարաբերություններում հարցեր չկան, Աստված հեռու պահի այն իրավիճակներից, երբ հարաբերություններում հարցեր չկան, որովհետը դա կնշանակի, որ ընդհանրապես հարաբերություն չկա։ Կարող եմ ասել, որ մեր հարաբերություններում չլուծվող հարցեր չկան, բայց մենք այսօր քննարկելու ենք հարցերի շատ լայն շրջանակ»,-ասել է Հայաստանի կառավարության ղեկավարը։

Նա համոզմունք է հայտնել, որ այդ հարցերը կլուծվեն, և կողմերը կհենվեն դաշնակցային հարաբերությունների, երկու երկրների շահերի,  երկրների ինքնավարության նկատմամբ հարգանքի ու  միմյանց ներքին գործերին չմիջամտելու սկզբունքի վրա։

Պաշտոնական՝ ռուսերենով՝ այստեղ